KGH Kathalu (Telugu) Paperback – 6 April 2022

₹ 125.00 ~~₹ 150.00~~

కింగ్ జార్జి ఆసుపత్రి, కేజీహెచ్‌గా మనందరికీ పరిచయం. పదకొండేళ్ల వయసులో మొదటిసారి నన్ను విశాఖ సముద్ర తీరానికి తీసుకెళ్తూ మా మేనమామ ఈ ఆసుపత్రిని చూపించారు. ఆ మరుసటి ఏడాది మా నాన్నగారు మళ్ళీ ఈ ఆసుపత్రి చూపిస్తూ, ‘ఇక్కడ చదివిన మన ఊరివాళ్ళు గొప్ప వైద్యులయ్యారు, అలాగే నువ్వు కూడా ఇక్కడే చదువుకోవాలనుంది’ అని చెప్పారు.
వందేళ్ళ చరిత్ర కలిగి ఉత్తరాంధ్ర ప్రాణదాయినిగా పేరుగాంచిన ఈ ఆసుపత్రిలో నేను తొలుత వైద్య విద్యార్థిగా, తరువాత వైద్యుడిగా, అంతేకాకుండా నేనూ ఒక రోగిగా, నా కుటుంబ సభ్యులు కొంతమంది ఇక్కడ రోగులుగా చికిత్స పొందుతున్నప్పుడు వాళ్ళకి సేవకుడిగా, చివరగా ఇదే ఆసుపత్రి ఎదురుగా ఒక క్లినిక్ పెట్టి ప్రైవేట్ ప్రాక్టీస్ చేసి ఎన్నో జ్ఞాపకాలను పదిలపరుచుకున్నాను. ఇవన్నీ కేజీహెచ్తో ఎనలేని బంధాన్ని నెలకొల్పితే, నేను రాసుకున్న కథల్లో అప్రయత్నంగానో లేక నేనెప్పుడూ ఈ పరిసర ప్రాంతాలు దాటి ఆలోచించకపోవటం వల్లనో ప్రతి కథలో కేజీహెచ్ ఒక నేపథ్యంగా మారింది. అందుకని నా ఈ మొదటి కథాసంపుటికి ‘కేజీహెచ్ కథలు’ అని పేరు పెట్టాను.
ఇన్నేళ్ళలో ఇక్కడ నేను ఎంతో మంది రోగుల్ని, వాళ్ళ రోగాల్ని, బాధల్ని, కన్నీళ్ళని చూశాను. నయమైన వారి ఆనందాన్ని కూడా చూసాను. ఇక్కడే వైద్యం నేర్చుకున్నాను, వైద్యం చేశాను. ఈ క్రమంలో ఎన్నో అనుభవాలు పోగేసుకున్నాను. వాటన్నింటికీ అక్షరరూపం ఇవ్వలేకపోయినా కొన్ని మాత్రం రాసి ఇలా మీ ముందుకు తీసుకొచ్చాను.
సాహితీ ప్రేమికులందరూ నా మొదటి పుస్తకాన్ని చదివి ఆదరిస్తారని ఆశిస్తూ..

Author: Dr. Srikanth Miryala
Publisher: Aju Publications; First Edition (6 April 2022)
Language: Telugu
Paperback: 98 pages