Sramajeevana Vidya Viplava Kavyam (Telugu)

సాయంకాలం, దూరం పల్లెలకి పోవాల్సిన పిల్లలు, ముఖ్యంగా అమ్మాయిలు వెల్లవేయగా, మరకలు ఏర్పడ్డ తమ క్లాసు రేకులషెడ్స్‌ని తామే నీళ్ళ బిందెలతో మోసుకొని తెచ్చి, చీపుర్లతో కడిగి శుభ్రపరచడానికి పూనుకొన్నారు. ఎవ్వరూ చెప్పలేదు. వాళ్ళంతట వాళ్ళే అంతంత లావు ప్లాస్టిక్ బిందెలతో నీళ్ళు మోసి, పరిశుభ్రంగా నేలంతా కడిగారు. ఈ అమ్మాయిలంతా మామూలుగా రైతు కుటుంబాల్నించీ వచ్చిన అమ్మాయిలు. శ్రామికతనించీ వచ్చిన వాళ్ళు కొందరు. వాళ్ళు ఎవ్వళ్ళో ఆజ్ఞాపిస్తేకాదు, తమంత తాముగానే ఈ శరీరశ్రమలో పాల్గొన్నారు. నవ్వుతూ, తుళ్ళుతూ ఒకరి ఆధిపత్యం, మార్గదర్శకత్వం లేకుండానే, స్వేచ్ఛగా వాళ్ళు దాదాపు గంటసేపు ఆ పనిలో నిమగ్నులయ్యారు. ‘ఇవ్వి మా క్లాస్‌షెడ్స్. మేం శుభ్రంగా చేసుకుంటాం.’ అనే చొరవ వాళ్ళలో కనిపించింది. పనిచేస్తే మాసిపోతాం అనే కొందరు, అదంతా చూస్తూ తమకేం పట్టనట్టుండిపోయారు. ముఖ్యంగా ఉద్యోగస్థుల అమ్మాయిలు. వాళ్ళు కొట్ల వెంట తిరిగి, చిరుతిళ్ళు కొని తినమరిగి, తమకోసం ఆటో వస్తే అందులో ఎక్కి, డ్రస్ నలక్కుండా తుర్రుమని వెళ్ళిపోయారు. పనంతా ముగించిన అమ్మాయిఉ, ఆలస్యమయినా బస్‌స్టాండ్‌కి కాలినడకనపోయి, బస్సు పట్టుకొని ఊళ్ళు చేరుకున్నారు.

• Author: M. Shivaram
  
• Publisher: Manchi Pustakam Publications (Latest Edition)
• Paperback:
  
• Language: Telugu