Obama Spoorthidayaka Vijayha Gadha (Telugu)

పాలపిట్ట బుక్స్ ప్రచురించిన ఈ 152 పేజీల పుస్తకం ప్రజాస్వామ్య ప్రస్థానంలో నిలిచి గెలిచిన ఒక సామాన్యుడి సాహసగాథని తెలుపుతుంది. అమెరికా చరిత్రలో ఒక నల్లజాతీయుడు అధ్యక్ష పదవికి పోటీపడడం, గెలవడం ఇదే తొలిసారి. అమెరికా 44వ అధ్యక్షుడు బరాక్ హుస్సేన్ ఒబామా మార్పుకి ఓ చిహ్నం. రాజకీయాలలో, పరిపాలనలో, సకల రంగాలలో మార్పును ఆశించేవారికి స్ఫూర్తి ఒబామా. నవంబరు 4, 2008 ఓ చారిత్రాత్మక దినం. అత్యంత వర్ణవివక్షని చూపిన దేశం ఒబామాని అధ్యక్షుడిగా ఎన్నుకోడం ద్వారా తనని తాను సరిదిద్దుకుంది. బానిసలుగా అమ్మిన గడ్డమీదే నల్లజాతీయుడికి అత్యున్నత గౌరవాన్ని ఇచ్చిందమెరికా. ఈ నిశబ్ద విప్లవానికి నాంది పలికిన బరాక్ ఒబామా వెనుక ఘనమైన వారసత్వం లేదు, అతడేమీ పోరాట చరిత్ర ఉన్న నేతా కాదు. మరింత మహత్తర విజయం ఎలా సాధ్యమైంది? దీనికి తోడ్పడిన నేపధ్యమేది? దీనికి మూలాలెక్కడ? ఈ ప్రశ్నలకి ఒబామా జీవితమే సమాధానం.
‘సరైన సమయంలో సరైన వ్యక్తినని ఋజువు చేసుకోడం ద్వారా ఒబామా అవకాశాలను అందిపుచ్చుకున్నాడు. అమెరికా చరిత్రలో మార్పుకు వేగుచుక్క అయ్యాడు’ అని అంటారు రచయిత గుడిపాటి. ఇంతటి అద్భుతానికి సూత్రధారి, పాత్రధారి అయిన వ్యక్తి జీవనయానం ఎలాంటిదో తెలియజెప్పే ప్రయత్నమే ఈ పుస్తకం. ఒబామా అధ్యక్షుడిగా అధికార పగ్గాలు చేపట్టిన రెండు నెలల తర్వాత ఈ పుస్తకం విడుదలైంది. దృఢ సంకల్పం, నిజాయితీ, పట్టుదల ఉన్న చోట లక్ష్యసాధన సులువుని తెలిపిన విజయగాథ ఒబామాది.

• Author: Gudpati
  
• Publisher: Palapitta Book Publications (Latest Edition)
• Paperback: 150 Pages
  
• Language: Telugu